Të enjten, më datë 21.12.2023 do të zhvillohet seanca e radhës plenare . Seanca do të fillojë në orën 10:00.
Në këtë seancë plenare pika e parë që do të trajtohet është shqyrtimi i kërkesës për dhënien e autorizimit nga Kuvendi për arrestimin/heqjen e lirisë së deputetit Sali Berisha nëpërmjet zëvendësimit të masës së sigurisë.
Kujtojmë që ditën e djeshme (18 dhjetor) Këshilli i Mandatave miratoi me 6 vota pro kërkesën e SPAK që i hap rrugë arrestimit të Berishës.
Me votat e PS u bashkua edhe deputeti i PD, Enkelejd Alibeaj. Ndërkohë Klotilda Bushka u caktua relatore, e cila do të hartojë raportin që do ti dorëzohet seancës plenare.
Njoftimi:
Seanca plenare e Kuvendit të Shqipërisë do të zhvillohet ditën e enjte, datë 21 dhjetor, ora 10:00. (Urdhër nr.70, datë 19.12.2023, i Kryetares së Kuvendit, znj. Lindita Nikolla.
Procedurat e transmetimit do të jenë të njëjta me të seancave plenare të mëparshme: makinat sinjalin do ta marrin nga RTSH dhe seanca do të transmetohet live në faqen web dhe FB të Kuvendit.
