Zhvillimi i inovacionit, përfshirë teknologjinë në vend, nuk po përfshin popullatën. Teksa qeveria vlerësohet me nota pozitive për digjitalizimin e shërbimeve, qytetarët kanë njohuri të kufizuara në këtë drejtim.
Një vlerësim i Organizatës Botërore për Pronësi Intelektuale, i cili përfshin 132 vende të botës, tregon se shqiptarët janë populli më pak inovator në Ballkanin Perëndimor.
Sipas vlerësimeve të kësaj organizate, Shqipëria klasifikohet më keq se vendet e rajonit, përsa i përket angazhimit për të zhvilluar teknologjinë e informacionit.
Korrigjimi duhet të nisë nga edukimi që në bankat e shkollës, thonë ekspertë të fushës.
Ekspertë të fushës kërkojnë që institucionet dhe kompanitë të orientojnë qytetarët drejt teknologjisë, duke kushtëzuar disa veprimtari, me qëllim që këta të fundit të rrisin aftësitë.
