Një avion i vogël, në të cilin ndodheshin 11 person u rrëzua në Qarkun Këale, Kenia, të dielën në mëngjes, duke vrarë të gjithë pasagjerët në bord, tha Autoriteti i Aviacionit Civil të Kenias (KCAA).
Kompania ajrore keniane, Mombasa Air Safari, tha se në avion ndodheshin tetë hungarezë, dy gjermanë dhe një anëtar i ekuipazhit nga Kenia.
“Fatkeqësisht nuk ka të mbijetuar… Me keqardhje të thellë njoftojmë se, sipas informacionit fillestar, kishte 10 pasagjerë, 8 hungarezë, 2 gjermanë dhe një anëtar i ekuipazhit, piloti nga Kenia”, tha linja ajrore në një deklaratë.
Avioni u rrëzua rreth orës 5:30 të mëngjesit (ora lokale, 7:30 e mëngjesit GMT).
Sipas një deklarate nga Autoriteti i Aviacionit Civil të vendit, agjencitë qeveritare kanë shkuar në vendngjarje për të përcaktuar shkaqet e rrëzimit.
