Larg zhurmës, trafikut dhe mes një peizazhi çlodhës, Zvërneci, po preferohet gjithnjë e më shumë nga turistët e huaj, kryesisht të Evropës perëndimore.
Manastiri me historinë e tij dhe natyrisht urën që të çon deri atje, shton akoma më shumë kureshtjen që vizitorët e huaj, ardhjen në Zvërnec ta rendisin ndër zgjedhjet e para që do të vizitojnë jo vetëm kur vijnë në Vlorë por edhe kur vijnë për herë të parë të vendin tonë.
Manastiri i Zvërnecit, në 8 muajt e këtij viti, është vizituar nga një numër i lartë turistësh kryesisht të huaj, të cilët krahasuar me të njëjtën periudhë të vitit të kaluar kanë një rritje në masën 20 për qind.
