Të ndaluarit kanë shkaktuar trazira në një qendër largimi të imigracionit në Londër, ata nderprene energjine elekrike, thotë Zyra e Brendshme.
Askush nuk u lëndua gjatë incidentit në qendrën e paraburgimit Harmondsworth në Londrën Perëndimore.
Mësohet se një grup të ndaluarish kanë dalë nga dhomat dhe kanë hyrë në oborrin e qendrës së emigracionit.
Në orët e para të së shtunës ka pasur ndërprerje të energjisë elektrike në ambiente.
Qeveria tha se asnjë i burgosur nuk ishte larguar nga ambientet dhe personat e përfshirë ishin kthyer në dhomat e tyre.
Në vendngjarje ndodhen efektivët e policisë dhe Shërbimi i Burgjeve HM. Policia Metropolitane tha se oficerët morën pjesë në incident në 07:45 dhe ishin ende aty.
Objekti i paraburgimit në West Drayton, pranë aeroportit Heathrow, mban qindra burra, duke përfshirë azilkërkues meshkuj të rritur, shkelës të huaj që presin deportim dhe burra që ndodhen ilegalisht në MB.
Një raport i qeverisë mbi qendrën e largimit të imigracionit në Harmondsworth gjeti disa shqetësime me vendin, duke përfshirë kushtet e jetesës “nën një standard të pranueshëm”, pas një vizite të hollësishme vitin e kaluar.
Kryeinspektori i burgjeve raportoi tualete të papastërta të qelive, dushe të rrënuara etj.
Shqetësime të tjera të ngritura përfshinin nivele të larta vulnerabiliteti midis të paraburgosurve, personat e vlerësuar si të rrezikuar nga dëmtimi duke u mbajtur për një kohë të gjatë dhe të burgosurit duke u mbyllur në qelitë e tyre gjatë drekës dhe gjatë natës.
