Një polic humbi jetën këtë të martë pas disa të shtënave që u shkrepën jashtë ndërtesës së Pentagonit. Menjëherë pas të shtënave një nga ndërtesat më të rëndësishme në Amerikë kaloi në izolim.
Zyra e shtypit nuk ka dhënë më shumë informacione ndërsa pritet që të dalë në një konferencë shtypi zëdhënësi.
Ngjarja ndodhi në platformën e autobusëve në kompleksin e Pentagonit e cila është hyrja kryesore në Pentagon, dhe përdoret nga mijëra personel çdo ditë.
Të shtënat shkaktuan bllokim të personelit brenda në ndërtesë për pak kohë, shkruajnë mediet amerikane.
Pasi mbërritën forca të shumta policie, dhe skena u rrethua, forcat e sigurisë së Pentagonit njoftuan se ndërtesa ka dal nga izolimi dhe mund të lëvizet lirshëm.
