Shkencëtarët të premten folën rreth lajmit që teknologjia e përdorur në prodhimin e vaksinës kundër koronavirusit mund të ndihmojë në luftën kundër kancerit.
Hulumtuesit kanë përgatitur një vaksinë me dy doza, për të cilën shpresojnë se mund t’i shënjestrojë tumoret në trupin e njeriut. Me qëllim të krijimit të këtij trajtimi, shkencëtarët e zhvilluan vaksinën në atë mënyrë që t’i shënjestrojë proteinat që janë të pranishme në sipërfaqen e shumë llojeve të qelizave kancerogjene.
Kur u testua në minj, vaksina e rriti numrin e të ashtuquajturave qeliza T antitumoriale, të cilat e sulmojnë rritjen e kancerit, duke ndihmuar në rritjen e shkallës së mbijetesës, shkruan The Guardian.
Ekipi i shkencëtarëve të Universitetit të Oksfordit tashmë e kanë dritën e gjelbër që ta fillojnë testimin e kësaj vaksine në njerëz.Reklamë
Profesoir Benoit Van den Eynde: “Teknologjia e vaksinës e mbështetur në vektorin viral është jashtëzakonisht e fuqishme. Viteve të fundit, ne kemi pasur një qasje të re për trajtimin e kancerit dhe imunoterapisë. Ka rezultate të shquara. Megjithatë, sistemi imunitar i disa pacientëve nuk reagon.”
“Prandaj, ideja këtu është që të përdoret një vaksinë e mbështetur në teknologjinë e Oksfordit për ta mësuar vërtet sistemin imunitar se si do t’i njohë qelizat e kancerit”, shtoi ai.
