- Përtacia për shkak të telefonave inteligjentë është përkeqësuar – megjithëse në Britani më shpejt se në çdo vend tjetër të madh evropian perëndimor, kanë paralajmëruar studiuesit.
Një studim që ekzaminon nivelet e të qëndruarit ulur midis të rriturve gjeti një rritje prej 22 për qind në Mbretërinë e Bashkuar midis 2002 dhe 2017, shkruajnë mediat e huaja
Autorët e saj thonë se shkalla më e madhe e pasivitetit në mesin e grupmoshës 35 deri në 44 vjeç po ndikon pjesërisht ndryshimin, si dhe një tendencë më të madhe në mesin e të gjithë të rriturve për të qenë të ulur gjatë kohës së lirë, për shkak të përhapjes së “pajisjeve të dorës”.
Ndryshe, IPhone i parë doli në shitje në Evropë në 2007.
Në mesin e fqinjëve të afërt me popullsi të madhe, në Francë u pa rritja më e madhe e të qëndruarit ulur – duke kaluar katër orë e gjysmë ose më shumë në ditë ulur – me 17.8 për qind, e ndjekur nga një rritje prej 7.4 për qind në Gjermani, 3.9 për qind në Spanjë, dhe vetëm 0.2 për qind në Itali.
Mesatarja u rrit me rreth tetë për qind në të gjithë Evropën në tërësi.
Dhe çfarë është më e keqja, pasiviteti është një nga nxitësit më të mëdhenj të kushteve të rrezikshme për jetën si diabeti i tipit 2 dhe kanceri.
Të botuar në revistën BCM Public Health, autorët argumentojnë se qeveritë do të kishin më shumë sukses në luftimin e stileve të jetesës jo të shëndetshme nëse ata theksonin rreziqet e kalimit të një kohe shumë të gjatë ulur, veçmas nga inkurajimi i njerëzve për të shkuar në palestër.
Hulumtimet e mëparshme në vitin 2016 kanë vlerësuar se ka pasur 230,000 vdekje në Evropë çdo vit që i atribuohen kohës së uljes, afërsisht 4.4 për qind e të gjitha vdekjeve, shkruan The Telegraph.
Ndërkohë ekspertët kanë llogaritur shifrën për Britaninë të jetë 70,000 vdekje në vit, 12 për qind e totalit.
Studimi i ri tregoi gjithashtu se gjinia ndikon ndjeshëm në nivelet e të qëndruarit ulur – pa lëvizje, me 52.2 për qind të burrave në të gjithë Evropën ulur për më shumë se katër orë e gjysmë në ditë në krahasim me 49.5 për qind të grave.
Midis 2002 dhe 2017, prevalenca e sjelljes së ulur në Britaninë e Madhe u rrit me 25.2 për qind për burrat dhe 16.5 për gratë, ndërsa në Gjermani prevalenca u rrit me 15.6 për qind për burrat, por ra me 1.2 për qind për gratë.
Në përgjithësi, 43.5 për qind e të rriturve britanikë kaluan katër orë e gjysmë ose më shumë një ditë në ditë ulur në fillim të studimit, ndërsa përqindja në fund ishte 53.3.
Vitin e kaluar një studim i pronarëve të smartphone në Mbretërinë e Bashkuar zbuloi se, mesatarisht, njerëzit kalojnë tre orë dhe 25 minuta në telefonat e tyre çdo ditë, 52 minuta nga të cilat harxhohen në mediat sociale.
Profesori Xián Mayo Mauriz, i cili mori pjesë në hulumtimin në Universitetin King Juan Carlos në Spanjë, tha: “Ne mendojmë që rritja e vëzhguar e prevalencës së pasivitetit fizik të mund t’i atribuohet njerëzve që ndërveprojnë gjithnjë e më shumë me teknologjinë, gjatë punës dhe kohës së lirë”.
“Gjetjet tona sugjerojnë që përveç inkurajimit të aktivitetit fizik, qeveritë duhet të përqendrohen në uljen e sasisë së kohës që njerëzit kalojnë ulur në ditë”.
Autorët paralajmërojnë se pasi që sasia e kohës së kaluar për t’u ulur u përcaktua nga pjesëmarrësit që përshkruan një ditë tipike, ky studim mund të nënvlerësojë mbizotërimin e vërtetë të të qëndruarit ulur në të gjithë Evropën.
Megjithëse të dhënat e reja janë për të rriturit, tendencat që ai zbulon ka të ngjarë të zbatohen edhe për fëmijët.
Hulumtuesit kanë thënë më parë se koha e fëmijëve të shpenzuar duke shikuar në televizor, telefonat inteligjentë dhe tabletët duhet të kufizohet në 90 minuta në ditë për t’i ndaluar ata të bëhen të trashë.
