Momente tensioni në zyrat e Frymës së re Demokratike mesditën e sotme pasi në këto ambiente kishte shkuar policia bashkiake pas vendimit të Bashkisë Tiranë për t’i marrë zyrat.
Rreth orës 12:00 Presidenti Ilir Meta ishte atje krah kryetarit të FRD, Sali Shehu.
Në një moment policia bashkiake nuk ka lejuar të futet në ato ambiente kryetarin e kësaj partie për Tiranën, Agim Hoxha.
Kjo shkakoi dhe momente tensioni dhe përplasjeje teksa i kërkoi Policisë Bashkiake të dalë jashtë dhe të mos dhunojë një parti opozitare.
“Pse dhunoni partinë e opozitës? Dilni përjashta ose do iu çoj në burg me duart e mia”, u shpreh ndër të tjera Presidenti.
Pas ngjarjes, Meta foli për mediat duke e cilësuar këtë rast si një përpjekje mafioze për të vënë dorë mbi votën dhe se një veprim i tillë ishte ndërmarrë pas firmosjes së koalicionit me opozitën.
Presidenti Meta: “E konsideroj përpjekje për të realizuar grusht shteti, sepse t’i sjellësh një partie zyrtare, opozitare, menjëherë pasi nënshkruan një marrëveshje me PD-në dhe partitë e opozitës për të marrë pjesë në zgjedhje t’i sjellësh një shkresë të tillë pa vulë, pa numër protokolli, e bërë me vrap për të dhunuar fizikisht dhe psikologjikisht çdo forcë opozitare, duke keqpërodur bashkinë bandë padyshim që është tepër irrutuese.
Thirrja e Metës për Opozitën: Zgjohu sepse do të jetë vonë ”
Meta: Është paralajmërim për të gjithë qytetarët shqiptarë. I bëj thirrje të gjithë opozitës që të zgjohet dhe të mos lejojë më asnjë prekje të rregullave të garës. Do të jetë vonë edhe për të jo vetëm për qytetarët në rast se do të tolerojë partinë bandë.
Meta kishte dhe një paralajmërim për policinë
“Po i paralajmëroj edhe një herë policinë bashkiake dhe policinë e shtetit. Të mos përfundoni si policët e Mubarakut nën këpucët e popullit shqiptar”.
Në prill të vitit 2016, FRD u transferua te godina ku më parë ka qenë ish-selia e Partisë Demokratike.
Së fundmi, FRD vendosi të garonte në zgjedhjet e 25 prillit në koalicion me Partisë Demokratike çka mendohet edhe arsyeja e “hakmarrjes” nga Bashkia e Tiranës.
