Në Kuvendin e Kosovës është mbajtur një seancë e veçantë për të diskutuar situatën e krijuar në veri të vendit. Kryeministri i Kosovës, Albin Kurti i është drejtuar i pari deputetëve, ku tha se Kosova nuk mund të paguaj se Serbia nuk po demokratizohet.
Kurti tha se sulmet ndaj KFOR nuk janë bërë nga popullsia serbe, por nga milicia fashiste dhe grupet kriminale. Kurti tha se Lista Serbe zgjodhi vetë të mos ishte pjesë e zgjedhjeve dhe se SHBA i njohu rezultatet pavarësisht bojkotit të zgjedhjeve. Praninë e forcave të policisë së Kosovës në verri, Kurti e quajti domosdoshmëri pasi në të kundër serbët do të sulmin kryetarët e rinjtë zgjedhur.
“Zgjedhjet duhet të mbaheshin. Njëherë u shtyn, s’mund të mbylleshin sërish. Unë i kam bërë thirrje serbëve të futeshin në zgjedhje. Escobar deklaroi se SHBA do i njohin rezultatet pavarësisht bojkotit të serbëve. Më 23 prill mbahen zgjedhjet, asnjë incident, organizim i shkëlqyer. Edhe betimet e kryetarëve u kaluan pa incidenteve. Ndërsa në ditën e parë të tyre të punës ata u përballën me incidente, sulmuan KFOR dhe policët e Kosovës. Nëse ne nuk do kishim vepruar drejt, do të kishim kryetarë të komunave që do të ishin të sulmuar.”, tha Kurti.
Teksa kërkoi mbështetje për policinë e Kosovës, Kurti tha se gabimet politike të Listës Serbe nuk duhet t’i paguaj Kosova
“Nuk mund t’i mbyll sytë kur grupe kriminale e fashiste minojnë rendin e republikës. Qytetarët serbë duhet të çlirohen nga milicia fashiste. Policia e Kosovës ka nevojë për mbështetje, pra jepjani këtë mbështetje e cila është në vijë fronit në milicinë fashiste, nuk jemi kundër serbëve, i kemi ftuar të jenë pjesë e procesit demokratike, por gabimin e Listës Serbe që bojkotoi zgjedhjet nuk duhet ta paguajë Kosova por Lista Serbe. Ai është gabim politik i tyre dhe pasojat duhet t’i marrin ato vetë”, tha Kurti.
