Në një përpjekje për të përmirësuar komunikimin midis Pekinit dhe Uashingtonit, shefi i CIA-s, Ëilliam Burns ka vizitura Kinën muajin e kaluar për të zhvilluar bisedime me homologët kinezë.
Sipas njërit prej zyrtarëve amerikanë, vizita në maj e Ëilliam Burns e cila u raportua për herë të parë nga “The Financial Times”, vjen në një kohë kur Uashingtoni përpiqet të qetësojë tensionet me Pekinin dhe të rivendosë linjat e komunikimit mes frikës se një keqkomunikim midis dy fuqive globale mund të çojë në konflikte.
Lajmi për vizitën në Kinë të shefit të CIA-s vjen në një kohë kur administrata e presidentit amerikan Joe Biden ka bërë presion për të rivendosur komunikimin dhe për të caktuar takime midis zyrtarëve të lartë në Uashington dhe Pekin.
“Muajin e kaluar, drejtori Burns udhëtoi për në Pekin ku u takua me homologët kinezë dhe theksoi rëndësinë e mbajtjes së linjave të hapura të komunikimit në kanalet e inteligjencës”, tha një zyrtar amerikan për agjencinë e lajmeve Reuters.
Burns u takua me zyrtarë të inteligjencës kineze, por jo me ndonjë nga lidershipi politik i Pekinit apo zyrtarë të politikës së jashtme kineze. CIA, e cila nuk njofton rregullisht vizita të tilla, nuk pranoi të komentojë për udhëtimin e Burns në Kinë, transmeton Al Jazeera.
Lidhjet midis Pekinit dhe Uashingtonit janë vënë janë në tension muajt e fundit për çështje që variojnë nga historia e Tajvanit dhe e Kinës për të drejtat e njeriut deri te aktiviteti ushtarak në rritje i Pekinit në Detin e Kinës Jugore dhe marrëdhëniet e ngushta me Rusinë.
