Qytetarët e Tiranës janë grumbulluar sot për të tretën ditë radhazi para kryeministrisë për të protestuar për uljen e çmimeve të naftës dhe produkteve ushqimore dhe duke thirrur “Rama ik”.
Ata tashme prej 1 ore kane lene sheshin perballe kryeministrisë dhe jane shpërndare ne rrugët e Tiranes duke u kërkuar drejtuesve te mjeteve te fikin makinat. Ata kane bllokuar rrethrrotullimin e Zogut te Zi ku ka patur edhe konfrontim me policinë.
Ndërkohë që protesta janë zhvilluar në të gjithë vendin përgjatë ditës së enjte, ku qytetarët kanë bllokuar akset kryesore të rrugëve.
Kujtojmë qe ditën e djeshme protesta u tensionua ku mbi 20 qytetarë janë shoqëruar për bllokimin e rrugës dhe për tubim pa leje. Sipas policisë, protestuesit nuk kishin marrë leje për organizimin e protestës, ndërsa për disa minuta ata bllokuan Bulevardin “Dëshmorët e Kombit”.
