Një moment rrëqethës është filmuar në Sainsbury të Britanisë, ku një shofer derisa tenton të arratiset nga policia e godet me veturë një zyrtarë policor, të cilin madje e hedh mbi tavan të veturës dhe përfundon i rrokullisur nëpër tokë.
Damien Price, 30-vjeç, është dënuar me gjashtë vite burgim për sulm ndaj zyrtarit policor në mars të këtij viti, transmeton Telegrafi.
Ai ishte ndalur nga një patrullë e policisë, dhe duke parë se do të përfundojë në pranga kishte vendosur të arratiset.
Por në ato momente përpara i doli njëri nga policët të cilin e goditi me veturës.
Për fat të mirë zyrtari policor i ka shpëtuar vdekjes, por ka pësuar lëndime të rënda trupore siç është thyerja e këmbës, lëndime në kokë dhe mavijosje.
Mjekët kanë bërë të ditur se atij do t’i duhet më shumë se një vit që të rikuperohet plotësisht.
