Një lëkundje sizmike, relativisht e fortë është regjistruar mëngjesin e së dielës në Greqi, duke shkaktuar panik te banorët që ndodheshin pranë epiqendrës së tij.
Tërmeti me magnitudë 4.8 Rihter u shënua pranë ishullit Samos në orën 07:24.
Nga lëkundja nuk u raportuan dëme, ndërkohë që u regjistruan dhe disa paslëkundje të tjera të cilat detyruan banorët të qëndrojnë jashtë.
