Një tërmet me magnitudë 5.1 ballësh të shkallës rihter ka goditur qytetin turk, Konya duke krijuar frikë dhe panik te njerëzit të cilët braktisin shtëpitë e tyre.
Epiqendra e tërmetit është regjistruar në një thellësi prej shtatë kilometrash, ndërsa zyra e guvernatorit të Konyas bëri të ditur se nuk ka raportime për viktima apo dëme materiale.
Ministri turk i Shëndetësisë, Fahrettin Koca ka deklaruar se shërbimet e urgjencës nuk kanë ndërhyrë gjatë tërmetit. Ndërkohë pamjet në rrjetet sociale tregojnë njerëzit duke u larguar me vrap nga shtëpitë e tyre pas tërmetit, transmetojnë mediat turke.
