Një tërmet me magnitudë prej 5.1 shkallë të Rihterit ka goditur Gjirin e Korinthit në Greqinë qendrore.
Autoritet lokale greke nuk kanë raportuar për dëme apo lëndime, shkruan Reuters.
Qendra Sizmologjike Evropiane-Mesdhetare (EMSC), ka njoftuar se tërmeti goditi 5 kilometra nën sipërfaqe në gjirin që ndan Greqinë kontinentale nga gadishulli i Peloponezit, 16 kilometra nga qyteti Itea.
Lëkundja, e cila ndodhi vetëm pas orës 1 të mëngjesit u ndje deri në Athinë, një distancë prej 115 kilometra larg.
