Tërmeteve të fuqishme të 6 shkurti në Turqi nuk i ka shpëtuar as xhamia në Adiyaman, e cila është ndërtuar në vitet 1300 dhe ishte restauruar në periudha të ndryshme.
Adiyaman është një ndër provincat më të prekura nga tërmetet. Xhamia, e cila ndodhet në Sheshin Sumer të qytetit, u shkatërrua totalisht.
Edhe në zonat e tjera të goditura nga tërmetet, xhamitë pësuan dëme të shumta. Në qytetet e Eskisaray, Yenipinar, Musalla e Kab, xhamitë pësuan dëme të mëdha, ndërsa minaret e tyre u shembën.
