Një tërmet me magnitudë 6.0 ka tronditur Tajvanin mëngjesin e së hënës, por nuk pati raportime të menjëhershme për dëme apo lëndime.
Këtë e ka bërë të ditur USGS (United States Geological Survey), duke shtuar se epiqendra ndodhej 38 kilometra larg qytetit Hualien dhe në një thellësi prej 10 kilometrash.
Ai u ndje në pjesën më të madhe të ishullit prej 24 milionë banorësh, përfshirë kryeqytetin Taipei, në veri. Gjithashtu tërmeti është ndjerë edhe në ngushticën e Tajvanit në provincën Fujian të Kinës kontinentale, tha transmetuesi shtetëror kinez CCTV.
