Lideri i Partisë Demokratike Shqiptare, Menduh Thaçi është i bindur se puna me Alternativën në Qeveri, “është punë e kryer”.
Ai ka deklaruar se 4 deputetë të kësaj partie do t’i bashkohen shumicës parlamentare në Kuvend.
“Zaevi dhe Aliu nuk mundem me thanë, po unë e them hapur është kryer puna me Alternativën. 4 deputet të Alternativës do të jenë mbështetës të Qeverisë dhe do të jenë pjesëmarrës në Qeveri. E këtë nuk e thotë Zaevi se i thotë Aliut se nuk dua të shkaktoj tronditje. Besoj se pajtoheni se unë jam i informuar dhe nuk kam arsye se përse të gënjej. Ata nuk munden me thanë se do të shkaktojnë shqetësim te Bilalli”, tha Thaçi në intervistë për Klan Maqedoni.
