Presidenti i vendit, Hashim Thaçi, përmes një postimi në llogarinë e tij në Facebook ka njoftuar se Kosova nuk do të jetë pjesëmarrësë në Samitin për Proces e Bashkëpunim në Evropën Juglindore (SEECP), kjo si rezultat i ftesës denigruese të kryetarit aktual të kryesisë së Bosnjës dhe Hercegovinës.
Ai potencoi se Kosova gjithnë ka qenë e gatshmë për mardhënje të mira fqinjësore me Bosnje e Hercegovinën, por ky vullnet vazhdimisht është keqpërdorur nga këta të fundit.
Sjelljen e Bosnjës dhe Hercegovincës, Presidenti Thaçi e ka cilësuar se si të pa pranueshme pasi përfaqësuesit e saj aplikojnë praktika tërësisht antievropiane.
Postimi i Thaçit:
Përkundër vullnetit dhe gatishmërisë për të marrë pjesë në Samitin për Procesin e Bashkëpunimit në Evropën Juglindore (SEECP), ftesa denigruese e kryetarit aktual të kryesisë së Bosnjës dhe Hercegovinës, e bënë të pamundur pjesëmarrjen dhe përfaqësimin e Kosovës në këtë takim.
Kosova gjithmonë ka qenë dhe është e gatshme për marrëdhënie të mira fqinjësore me Bosnje e Hercegovinën dhe për njohje reciproke. Por, fatkeqësisht, ky vullnet i ynë është keqpërdorur në vazhdimësi, njësoj sikurse tani me rastin e organizimit të SEECP-së nga Bosnja e Hercegovina. Minimumi që kërkon Kosova për pjesëmarrje në forume të tilla është trajtimi i barabartë me shtetet tjera pjesëmarrëse.
Sjellja e Bosnjës dhe Hercegovinës është e papranueshme dhe paradoksale, meqë përfaqësuesit e saj aplikojnë praktika tërësisht antievropiane, që nuk dallojnë me ato të Serbisë. Me një qasje të tillë destruktive, bashkëpunimi rajonal dhe fqinjësia e mirë ndërmjet shteteve të Ballkanit Perëndimor mbetet një parakusht i paarritshëm në rrugën për anëtarësim në BE.
Republika e Kosovës mbetet e përkushtuar për fqinjësi të mirë, bashkëpunim rajonal dhe të ardhme euroatlantike, mirëpo nuk pranon të nënshtrohet dhe të diskriminohet nga askush. HTH
