Presidenti i Kosovës, Hashim Thaçi gjatë fjalimit të tij në takimin për procesin Brdo Brijun, ka folur për procesin e dialogut Kosovë-Serbi. Ai ka thënë se nuk do të ketë Asociacion me kompetenca ekzekutive në Kosovë.
Në samitin Brdo Brijuni, presidenti i Kosovës, tha se marrëveshja finale Kosovë-Serbi nuk do të nxjerrë një Republika Srpska në Kosovë.
Thaçi tha se çdo ditë, javë a muaj që kalon pa një marrëveshje të tillë, vetëm sa thellohet hendeku Kosovë-Serbi, e që sipas tij, në këtë mënyrë do të mund të ketë edhe reflektime në rajon.
Thaçi foli edhe për Samitin e Berlinit dhe atë që pritet të mbahet në Paris në muajin korrik.
Ai tha se shpreson që takimi i Parsit do të ketë diçka konkretë në mënyrë që të lëvizet përpara në procesit e dialogut Kosovë-Serbi.
Thaçi tregoi se nuk e ka pritur mirë faktin që Shtetet e Bashkuara të Amerikës, siç tha ai, nuk kanë qenë të informuara dhe koordinuara për Samitin e Berlinit.
Ai tha se Samiti Brdo Bijuni po mbahet në një kohë shumë të rëndësishme për rajonin dhe për të ardhmen evropiane të vendeve.
Sipas Thaçit, vendet kanë punuar në mbylljen e çështjeve të hapura dhe zgjidhjen e tyre.
