Presidenti i Kosovës, Hashim Thaçi i ka bërë thirrje të gjithë institucioneve dhe partive politike që të zbatojnë vendimet e Gjykatës Kushtetuese. Derisa ka kërkuar që të formohet qeveria e re sa më shpejt.
I pari i shtetit në një konferencë për medie tha se duhet të respektohet rendi kushtetues në Kosovë.
“Si president i vendit e mirëpres vendimin e Gjykatës Kushtetuese që i hap rrugë formimit të qeverisë së Kosovës. Kam qenë i kujdesshëm që çdo hap që e kam marrë të jetë në përputhje të Kushtetutës. Më e rëndësishmja është që Kushtetuesja e konstatoi që parlamenti është organi më i lartë në Kosovë”, tha ai.
