Ekspozimi në ajrin e ndotur mund të shkurtojë jetën e njeriut për 1.8 vjet, apo “menjëherë pas disa prej shkaqeve kryesore të vdekjes dhe sëmundjeve në përgjithësi” – përfshirë kancerin dhe duhanin – shtohet në Raportin studimor të Kolegjit Mbretëror të Mjekëve – shkruan gazeta londineze “The Guardian”.
Ndotja e ajrit në Mbretërinë e Bashkuar po kushton 500 milionë funte britanike për trajtime shëndetësore, kujdes të Shërbimit Kombëtar të Shëndetit (NHS) dhe humbje produktiviteti, me 99% të popullsisë që po thith “ajër toksik”.
Ajri i ndotur po vret më shumë se 500 persona në javë, me dëme shëndetësore shkaktuar pothuajse çdo organi të trupit, madje edhe nëse ka sasi të ulët të ndotjes – kanë eskpertët e Kolegjit Mbretëror të Mjekëve (RCP).
Me ndikim në shkallën e vdekshmërisë dhe jetëgjatësisë së parashikuar, efektet në individë, shoqëri, ekonomi dhe NHS janë më të mëdha dhe kërcënimi që përbën ndotja e ajrit për shëndetin është më e madhe sesa ishte ditur më parë – thuhet në një Raport studimor me përfundime të nxjerra nga mjekët.
Raporti i RCP-së ka spikatur gjithashtu studimet që ofrojnë informacione të reja për rëndësinë e rreziqeve shëndetësore prej ajrit toksik – përfshirë rrezikun nga kanceri, sëmundjet e zemrës, sulme në tru dhe kushtet shëndetësore mendore e demencën.
Ndotja e ajrit në Mbretërinë e Bashkuar tani vret 30,000 persona në vit dhe kap koston e 27 miliardë funteve – thuhet në Hulumtim – i cili gjithashtu vlerëson se nuk ka nivele të sigurta të ndotësve të ajrit. Shifrat mund të ishin edhe shumë më të larta – deri në 50 miliardë – nëse do të merreshin parasysh edhe ndikimi më i madh që ka në sëmundje si demenca.
“Ekspozimi në ajrin e ndotur mund të shkurtojë jetën e njeriut për 1.8 vjet, apo “menjëherë pas disa prej shkaqeve kryesorë të vdekjes dhe sëmundjeve në përgjithësi – përfshirë kancerin dhe duhanin” – shtohet në Raport.
Kolegji ka bërë thirrje për aksion të Qeverisë për luftimin e krizës – duke u kërkuar njëherësh Ministrave që ta “pranojnë ndotjen e ajrit si çështje shëndetësore publike kyçe”.
Në hyrje të Raportit thuhet se ndotja e ajrit mbetet kërcënimi kryesor mjedisor për shëndetin, me ndikime përgjatë gjithë rrjedhës së jetës.
