Afera kjorruptive në Bashkinë Tiranë është kthyer në një skandal me përmasa kombëtare për nga natyra dhe dëmi që ka shkaktuar kjo aferë korruptive.
Sipas fakteve të publikuara nga emisionet investigative dhe denoncimeve të Partisë Demokratike, rezulton se Erion Veliaj ka ngritur një organizatë të mirëfilltë korruptive në bashkinë e Tiranës.
Arrestimi i 5 drejtorëve besnikë të Veliajt, duket se është vetëm maja e ajsbergut në perandorinë korruptive që ka grabitur taksat e qytetarëve në Bashkinë e Tiranës prej kohës kur kjo bashki drejtohet nga beniamini i Edi Ramës.
Edhe pse kohët e fundit Veliaj duket se është lënë vetëm nga kreu i ‘organizatës së hajdutëve’ që quhet ‘rilindje’, sërish Drejtësia e Re nuk guxon të afrohet te kreu i Tiranës dhe te drejtorë të cilët ai ende nuk i ka lëshuar.
Ermal Kapllanaj, kryepolici bashkisë Tiranë nuk është lëshuar ende nga Veliaj dhe SPAK nuk guxon t’i afrohet. Faktet e publikuara në denoncimin e bërë nga Belind Këlliçi nga selia e PD janë fakte të njohura edhe për drejtësinë, por afërmendsh që drejtësia nuk lëviz dot pa urdhër.
Partia Demokratike ka denoncuar sot një tjetër zyrtar të lartë të asaj që e cilëson si “organizata kriminale e bashkisë Tiranë” dhe fjala është për kreun e Policisë Bashkiake, Ermal Kapllanajn.
Belind Këlliçi, koordinatori politik i PD në Tiranë, në një deklaratë para mediave tha se “pasi u vendos në krye të Bashkisë Tiranë, drejtuesi i Organizatës Kriminale 5D, Erion Veliaj, emëroi në krye të Policisë Bashkiake,policin e Anti-Drogës, shtetasin Ermal Kapllanaj, drejtues që sot po hetohet nga SPAK për favorizimin e biznesit shumë fitimprurës të dherave, për llogari të shefit të tij në inceneratorin e Tiranës.”
“Prej 1 viti tashmë po bëjmë publike lidhjet nepotike dhe korruptive të Bashkisë Tiranë, – theksoi Këlliçi. – . Prej 1 viti vijojmë depozitojmë kallëzime penale për aferat korruptive të pronarit faktik të inceneratorit të Tiranës, Erion Veliaj. Organizata Kriminale e Bashkisë Tiranë, siç u faktua dhe me kallëzimin tonë për kompaninë 5D KONSTRUKSION, ka vjedhur dhjetëra miliona euro deri më sot. Por kjo strukturë, përveç vjedhjes se parave publike, nuk ka kursyer as dhunën mbi shtresën më të varfër të Tiranës, shitësit ambulantë.
Pasi u vendos në krye të Bashkisë Tiranë, drejtuesi i Organizatës Kriminale 5D Erion Veliaj, emëroi në krye të Policisë Bashkiake policin e Anti-Drogës, shtetasin Ermal Kapllanaj, drejtues që sot po hetohet nga SPAK për favorizimin e biznesit shumë fitimprurës të dherave, për llogari të shefit të tij në inceneratorin e Tiranës.
Aksioni i parë që ndërmori ky drejtor ishte terrori mbi gjyshet, gjyshërit dhe nënat të cilët rrinin me orë të tëra në shi e diell për të shitur zarzavate që të siguronin mbijetesën.
