1
Ish-ylli i Barcelonës, Gerad Pique është përballur me një situatë aspak të zakontë gjatë një ceremonie festive për mbylljen e sezonit të rregullt të kampionatit që organizon, Kings League.
Ish-mbrojtësi i njohur katalanas, kishte organizuar një festë madhështore me qindra të pranishëm në një disko të njohur në Madrid. Fillimisht nisën sharjet kundër Barcelonës, e më pas një kor që ndoshta i ka djegur më shumë ish-futbollistit.
E gjithë salla nisi me thirrjet “Shakira, Shakira”, ndërsa Pike kishte mbetur i shtangur me mikrofon në dorë, duke pritur derisa të mbaronte ky moment i sikletshëm për të.
Por jo vetëm kaq, pak më vonë, DJ vendosi një këngë që përsëri kujton historinë e tij me këngëtaren kolumbiane, “Waka Waka”, himnin e Botërorit 2010, kur Shakira dhe Pique u njohën pikërisht gjatë realizimit të videoklipit.
