Ka nisur procesi i aplikimit për rezervimin e biletave të ndeshjes Shqipëri – Angli, që do të zhvillohet më 16 nëntor në stadiumin “Air Albania”.
Ashtu si në përballjen e fundit Shqipëri – Serbi, edhe kësaj here do të ndiqet i njëjti sistem për aplikimin, për shkak të kërkesës së madhe nga tifozët shqiptarë brenda dhe jashtë vendit.
FSHF thekson se synon një proces të drejtë, transparent dhe të barabartë për të gjithë tifozët, ndaj aplikimi për biletat do të kryhet vetëm përmes platformës zyrtare https://www.ebileta.al.
Si të aplikoni:
– Hyni në llogarinë tuaj në platformën ebileta.al në rast se keni një llogari ekzistuese ose në rast se nuk keni një të tillë, regjistrohuni paraprakisht për të vijuar më tej.
– Zgjidhni tribunën e dëshiruar në stadium.
– Plotësoni të dhënat personale në formularin përkatës.
* Lutemi të plotësoni saktë të dhënat sipas dokumentit tuaj të identifikimit, pasi hyrja në stadium do të bëhet me dokument identifikimi.
* Çdo tifoz i interesuar do të ketë mundësinë për të aplikuar vetëm për 4 bileta.
– Përfundoni me sukses aplikimin, për t’u bërë pjesë e procesit të përzgjedhjes përmes shortit.
– Pas aplikimit, do të merrni një e-mail konfirmimi automatik që vërteton përfundimin me sukses të procesit të aplikimit.
*Kujdes/ Ky email konfirmimi nuk nënkupton që keni siguruar biletat për ndeshjen.
Procesi i përzgjedhjes:
– Përmes shortit elektronik do të zhvillohet një përzgjedhje automatike dhe e rastësishme.
– Të përzgjedhurit nga shorti do të njoftohen nëpërmjet një e-mail, ku do të gjejnë një link unik nëpërmjet të cilit mund të kryhet pagesa online.
Ju do të keni vetëm 24 orë kohë për të kryer blerjen e biletave. Pas 24 orësh linku do të skadoj dhe ju duhet të bëni edhe një herë prej fillimit procedurën e aplikimit, më pas duhet të prisni në rast se do të përzgjidheni automatikisht ose jo.
– Pas konfirmimit të pagesës, biletat elektronike do të dërgohen automatikisht në adresën e e-mailit tuaj.
