Tirana është një qytet i bukur i Shqipërisë, shtresat e historisë së të cilit gjenden ende në fasadat e ndërtesave përmes arkitekturës dhe strukturës së tyre. Keshtu e nis artikullin kushtuar kryeqytetit shqiptar, portali “Planet B”, në një përshkrim të detajuar të së shkuarës dhe potencialeve që drejtojnë kah e ardhmja.
“Shëtita gjithë ditën nëpër rrugët e Tiranës në kërkim të disa prej afro 750 mijë bunkerësh të ndërtuar anembanë vendit nga një udhëheqës i mëparshëm, i cili ishte paranojak ndaj një armiku që nuk ekzistonte”, shkruan gazetarja Laura Baker.
Ky rrjet i ndërlikuar tunelesh dhe bunkerësh është një aventurë absolutisht magjepsëse dhe një mënyrë e çuditshme për të zbuluar një qytet me histori aq të pasur. Gjatë kësaj shëtitjeje, zbulova gjithashtu një mori baresh dhe kafenesh me veranda tërheqëse në natyrë. Megjithatë, shumë prej këtyre lokaleve nuk shërbenin ushqim për vaktin e mëngjesit, përveç ndonjë tosti. Gjetja e një mëngjesi të vonë ishte paksa mision më vete, por ndërsa endesha nëpër qytet, u bë gjithnjë e më e dukshme që rajoni i Tiranës po përjeton një revolucion gjelbërimi. Nga rindërtimi i parqeve lokale te krijimi i zonave të artit bashkëkohor dhe ndërtesat e reja, këshilli bashkiak po udhëheq zhvillimin e hapësirave të reja për rrjetëzimin e qytetit./ATSH/
