Përplasja e bandave në Meksikë vijon të jetë një nga problematikat më të mëdha në vend që po shkakton mijëra viktima çdo vit mes civilëve.
Një tjetër ngjarje e rëndë është regjistruar këtë herë në shtetin e Guerrero, ku 7 persona u vranë mizorisht brenda ambienteve të një shkolle fillore.
Viktimat u rrëmbyen nga shtëpitë e tyre në El Durazno nga një komando e armatosur e përbërë nga dhjetëra persona, të cilët më pas i vranë mizorisht.
Autorët ishin të veshur me veshje të ngjashme si ato të ushtrisë dhe hynë shtëpi më shtëpi duke i kapur të papërgatitur personat që ishin brenda.
