Pas Distria Krasniqit, është xhudistja tjetër Laura Fazliu e cila ka fituar medaljen e bronztë këtë të martë, në debutimin e saj në lojërat olimpike të Parisit.
Ajo e mposhti kroaten Katarina Kristo në kategorinë deri në 63 kilogramë për ta fituar medaljen e parë olimpike në karrierë.
Lufta e drejtpërdrejtë për bronz mes Fazliut dhe Kristos ishte shumë e barabartë në kohën e rregullt dhe u nevojit koha shtesë, e njohur si “golden score” për ta përcaktuar fituesen.
