Dy nxënës dhe një mësuese kanë përfunduar në spital me lëndime serioze, pas një sulmi me acid të ndodhur në një shkollë në Britaninë e Madhe.
Sipas mediave vendase, sulmi ka ndodhur pasditen e djeshme në “Westminster Academy” në Paddington, Londra perëndimore.
Raportohet se një 14-vjeçare dhe një 16-vjeçar kanë marrë lëndime serioze në trup, ndërsa mësuesja 27-vjeçare ka dalë dje nga spitali pasi mori mjekimin. Po ashtu, edhe dy oficerë policie u dërguan në spital, pasi nuk u ndjenë mirë gjatë aksionit për të ndaluar sulmuesin. Sa i përket këtij të fundit, nuk dihen ende detaje sek ush është apo edhe nëse ishte punonjës i shkollës, teksa autoritetet njoftojnë se vijon puna për identifikimin dhe kapjen e tij.
Pas sulmit, shkolla ka njoftuar se do të qëndrojë e mbyllur për ditën e sotme.
Në një mesazh në faqen e tyre shkruhej: “Për shkak të rrethanave të paparashikuara, vendi i shkollës WA do të mbyllet të martën më 1 tetor. Studentët do të rifillojnë mësimet përmes mësimit online. Informacioni do të ndahet me ta nëpërmjet Google Classroom nëpërmjet mësuesit të tyre. Faleminderit për mirëkuptimin tuaj.”
