Italia është zotuar për tolerancë zero kundër demonstruesve që bllokojnë shinat e trenave për të protestuar ndaj rregullave të reja anti-Covid për udhëtimet në distanca të gjata.
Nga sot, udhëtarët do të lejohen të përdorin transport publik vetëm nëse tregojnë, “çertifikatën e gjelbër” të Covid-19, që dëshmon vaksinimin, një test negativ të 48 orëve e fundit ose shërim nga sëmundja në gjashtë muajt e fundit.
Rregulli, i shpallur javë më parë, vlen për fluturimet e brendshme, udhëtimet me tren midis rajoneve dhe udhëtimet në det.
Në prag të rregullave të reja të transportit, Ministrja e Brendshme Luciana Lamorgese u zotua për tolerancë zero kundër çdo proteste në shinat hekurudhore.
Deri më tani në Itali, rreth 70% e grupmoshave mbi 12-vjeç janë vaksinuar plotësisht. Por ekspertët kanë shprehur shqetësimin se shumë njerëz në grupmoshën 50-69 vjeç nuk kanë marrë vaksina dhe as nuk janë regjistruar për to.
