Kanë kaluar njëmbëdhjetë vjet që kur Tom Cruise është shfaqur në publik me një grua pas divorcit nga Katie Holmes.
Këtë herë një artikull i Daily Mail dëshiron që ylli i Hollivudit të jetë në lidhje me 36-vjeçaren Elsina Kairova, vajza e një parlamentari të shquar rus dhe ish-gruaja e një oligarku tregtar diamantesh.
Të dy u panë në një festë në Mayfair të Londrës dhe sipas një të ftuari: “Ata ishin të pandarë dhe ishte e qartë se ata ishin çift.” Cruise dhe Kairova u shfaqën së bashku në festën në sheshin Grosvenor rreth orës 21:00 të shtunën e kaluar, për habinë dhe emocionin e të ftuarve. Mësohet se ata janë larguar së bashku nga ngjarja në orët e para të mëngjesit.
“Tom Cruise ishte shumë miqësor. Ata vazhduan t’i kërkonin fotografi dhe ai refuzoi me mirësjellje. Më në fund, DJ-ja duhej të bënte një njoftim në rusisht se Tom Cruise nuk donte foto. Ai e kaloi pjesën më të madhe të natës duke kërcyer me Elsinën dhe në një moment e gjeti veten në mes të një grupi femrash’ tha burimi për MailOnline.
Kush është Elsina Kairova
Elsina Kairova është një ish-modele, është shtetase britanike dhe ishte e martuar me manjatin rus Dmitry Tsetkov. Ata ndanë një rezidencë prej 22 milionë funtesh në pasurinë e Wentworth në Surrey, si dhe shtëpi në Londër me vlerë 18 milionë paundë. Çifti zotëronte gjithashtu prona si në Dubai ashtu edhe në Qipro, së bashku me veturën e tyre shumë milionëshe, stoli dhe koleksione arti.
