Ky që shikoni në fotografi është “Tony”, shqiptari që lufton vullnetarisht kundër pushtuesve rusë në Ukrainë.
Ai është pjesë e Batalionit 131, së bashku me ushtarin e njohur britanik Macer Gifford.
Ky i fundit ka vendosur ta përshëndesë publikisht në rrjetet sociale, duke e vlerësuar me fjalë të mëdha.
“Respekte për shokun tim të luftës dhe heroin tonë shqiptar, Toni. Ai është një ushtar i fortë dhe kompetent, i gatshëm të bëjë gjithçka për të përmbushur misionin e tij. Unë kurrë nuk kam parë frikë në sytë e këtij njeriu. Ai është absolutisht lloji i personit që dëshironi pranë jush në një betejë! Legjendë”, shkruan Gifford.
Toni, identiteti i plotë i të cilit nuk dihet, është shqiptari i dytë i konfirmuar që i është bashkuar vullnetarëve për t’i ardhur në ndihmë ushtrisë ukrainase. Një tjetër shqiptar që lufton krah forcave ukrainase, pjesë e legjionit të huaj, është 24-vjeçari Emanuel Bazanji.
