Trajneri i Tottenhamit, Antonio Conte, beson se skuadra londineze do t’i ndjekë rrugët ligjore pasi u eliminua nga Liga e Konferencës.
Trajneri italian ka bërë të ditur se klubi ka bërë një dosje, cila mund të përfundojë në Gjykatën e Arbitrazhit Sportiv.
Tottenhami humbi me rezultat zyrtar 3:0 nga Rennesi dhe kështu u eliminua nga faza e grupeve në Ligën e Konferencës.
“Sinqerisht për mua, klubin dhe tifozët tanë, është i pabesueshëm vendimi që UEFA e mori. Është i padrejtë, me siguri. Ne e meritojmë të luajmë për kualifikim në fushë, jo të eliminohemi në këtë mënyrë. Jam shumë i zhgënjyer për vendimet e UEFA-s”, ka thënë Conte.
