Një trafikant ndërkombëtar droge u arrestua në aeroportin e Malpensës në Itali. 30-vjeçari spanjoll vinte nga Republika Domenikane dhe pretendonte të ishte me aftësi të kufizuara, i kompletuar me një karrige me rrota në të cilën ishin fshehur 13 kg kokainë. Ai u kap nga “detektivi” Crai, qeni i njësisë së Fiamme Gialle.
Pothuajse një milion e gjysmë euro fitim, nëse do të ishte shitur në treg kokaina që trafikanti kishte fshehur në karrigen me rrota ku ishte ulur, duke u shtirur si invalid. Pavarësisht një momenti të parë sikleti të kuptueshëm, nisur nga situata, financierët bllokuan korrierin dhe mashtruesin e drogës, falë këmbënguljes së qenit të repartit të qenve.
Shoqëruesi i linjës ajrore, i caktuar për të ndihmuar 30-vjeçarin, i shtangur, u largua mënjanë, ndërsa burri vazhdoi të luante “rolin” e tij, derisa departamenti i financave çau mbushjen e karriges me rrota dhe nxori pakot e para të kokainës së pastër.
Në atë moment trafikanti u ngrit në këmbë duke i dhënë fund inskenimit. Ai u arrestua me akuzën e trafikut ndërkombëtar të drogës dhe u dërgua në burgun në Busto Arsizio në Varese të Italisë.
