Një aksident tragjik ka ndodhur në Toronto, Kanada, ku 25-vjeçarja shqiptare Agnesa Shukulli ka humbur jetën.
Më 20 janar, makina ku ajo udhëtonte me bashkëjetuesin e saj shkodran përfundoi në Liqenin e ngrirë të Ontarios, pranë Lakeshore Boulevard East.
Pavarësisht përpjekjeve të mjekëve për t’i shpëtuar jetën, Agnesa nuk ka mundur të mbijetojë, ndërsa partneri i saj gjithashtu ka humbur jetën.
Agnesa kishte mbërritur në Kanada në nëntor të vitit 2021 për t’iu bashkuar motrës së saj, Anxhelës, dhe për të ndihmuar prindërit në Shqipëri për të ndërtuar një të ardhme më të mirë.
Familja e saj po përjeton dhimbjen e thellë të humbjes së një prej anëtarëve më të shtrenjtë, ndërsa përballen edhe me sfidën financiare të kthimit të trupit të Agnesës në Shqipëri, për t’u prehur në paqe në atdheun e saj.
