Trajneri i ri i Tottenhamit, Nuno Espirito Santo, ka paralajmëruar ekipet që janë të interesuara për transferimin e Harry Kanet duke thënë se sulmuesi anglez do të mbetet tek ekipi londinez.
Në konferencën e tij të premten, trajneri Nuno ka insistuar se Kane do të jetë lojtar i rëndësishëm për synimet e Tottenhamit në sezonin 2021/22.
Kohët e fundit, mediumet britanike kanë raportuar se Kane ka kërkuar largimin nga Tottenhami dhe interesim të madh për të ka shfaqur skuadra e Manchester Cityt.
“Harry Kane është lojtari ynë dhe nuk ka diskutim këtu. Nuk kam çka shtoj më shumë për këtë çështje. Tash është koha që Kane të pushoj dhe të kthehet në përgatitje për sezonin e ri”, është shprehur portugezi Nuno.
