Rregullat e reja që hynë në fuqi këtë mëngjes detyrojnë pothuajse të gjithë që udhëtojnë në transportin publik në Angli të mbajnë maska ose shalle.
Masat janë vendosur për të ndihmuar në parandalimin e transmetimit të Covid-19, pasi bizneset dhe dyqanet u rihapën pas bllokimit, dhe rrjetet e transportit padyshim do jenë më të ngarkuara.
Ata me kushte të caktuara shëndetësore, njerëzit me aftësi të kufizuara dhe fëmijët nën moshën 11 vjeç janë të përjashtuar.
Kompanitë e transportit thanë se deri më tani, ndryshimi ka shkuar pa probleme, dhe pjesa më e madhe e pasagjerëve kanë pasur mbulesa në fytyrë. Edhe pse ata që nuk e bëjnë këtë mund të gjobiten me 100 £, zbatimi pritet të jetë më i lehtë.
Për momentin është e rëndësishme që njerëzit të dinë se cilat janë rregullat dhe të inkurajohen që ata t`i respektojnë. Transporti për Londrën tha se më shumë se 80% e pasagjerëve po i zbatonin rregullat, dhe se ekipet e stafit të TFL dhe policia britanike e transportit u panë duke ofruar këshilla të qeta për njerëzit pa mbulesa në fytyrë.
Pasagjerët në Skoci, Irlandën e Veriut dhe Uells nuk janë të detyruar të përdorin maska apo shalle në transportin publik – megjithëse këshillohen ta bëjnë këtë./BBC
