Princi i Uellsit, William mori me vete djalin e tij 12-vjeçar, Princin George, për ta ndihmuar në një bamirësi të organizuar për të pastrehët, në mënyrë që t’i mësojë atij rreth mungesës së strehimit dhe t’i tregojë përpjekjet e organizatave që përpiqen ta luftojnë atë.
Princi William e çoi të birin në një organizatë bamirësie me një lidhje të thellë personale – Passage, në Westminster, ku ishte sjellë si fëmijë nga nëna e tij Diana, Princesha e Uellsit.
Dorëzimi i pishtarit u bë javën e kaluar, me George që ndihmoi në përgatitjen e drekës për njerëzit që mbështeten nga Passage, e cila punon me njerëzit e pastrehë në Londrën qendrore.
Princi George nënshkroi një libër vizitorësh duke përdorur të njëjtën faqe të nënshkruar nga William dhe gjyshja e tij Diana në dhjetor 1993.
Drejtori ekzekutiv i Passage, tha se Princi George kishte ardhur kur ata po përgatitnin drekën e Krishtlindjeve për 150 persona.
“Pra, në të vërtetë bëhej fjalë për: ‘A jeni gati të përveshni mëngët dhe të angazhoheni?’ Dhe ai ishte plotësisht i gatshëm,” tha Clarke.
“Në fakt, shumë i ngjashëm me babain e tij, donte vetëm të përfshihej dhe të ndihmonte”, tha kreu i organizatës.
“Një fëmijë i mrekullueshëm është mënyra se si do ta përshkruaja, dhe ai dukej shumë i interesuar për punën që bëjmë dhe veçanërisht për të folur me njerëz që kanë përdorur shërbimet tona”, tha z. Clarke.
Kreu i organizatës bamirëse tha se dukej sikur familja e Princit George po përpiqej t’u tregonte fëmijëve të tyre jetën jashtë pallatit dhe sa e rëndësishme ishte që “më të prekshmit në shoqëri të mbështeteshin dhe të kujdeseshin për ta”.
Princi William ka qenë një mbështetës i organizatës që kur u soll në moshën 11-vjeçare nga nëna e tij, e cila kishte bërë vizita të rregullta, si publike ashtu edhe private.
