Një 22-vjeçar ndodhet në gjendje kritike në spital pasi u godit me thikë gjatë një përleshjeje në rrugë në Londër.
Ngjarja ndodhi të premten në mbrëmje në zonën e Barking, ku policia u thirr rreth orës 23:20 pas raportimeve për një përleshje të madhe në rrugë. Kur mbërritën në vendngjarje, oficerët gjetën tre të rinj të moshave 22, 23 dhe 28 vjeç me plagë nga thika.
22-vjeçari është në gjendje kritike në spital, ndërsa dy të tjerët kanë pësuar lëndime të lehta, u trajtuan në spital dhe më pas u liruan. Të dy janë arrestuar nën dyshimin për tentativë vrasjeje. Më vonë, 23-vjeçari u sëmur gjatë ndalimit nga policia dhe u dërgua përsëri në spital.
Policia e përshkroi incidentin si “të izoluar” dhe tha se hetimet po vazhdojnë. Autoritetet u kanë bërë thirrje dëshmitarëve ose kujtdo që ka video nga ngjarja të kontaktojë policinë ose Crimestoppers. Prania e policisë në zonë është shtuar për të garantuar sigurinë e banorëve.
