Muharrem Koni, bashkëshorti i pasagjeres Merushe Koni që u nda nga jeta mëngjesin e sotëm si pasojë e një aksidenti tragjik në Rrogozhinë, ka ndëruar jetë dhe vetë pak më parë në spitalin e Durrësit.
Aksidenti i rëndë ndodhi në orët e para të mëngjesit të sotëm, ku u përfshin tre mjete.
Nga përplasja e fortë fillimisht humbi jetën në vendin e ngjarjes shoferi Tonin Mëhilli, 54-vjeç, oficer burgjesh, ndërkohë që më vonë vdiq dhe një prej pasagjereve në mjetet e aksidentuara, Merushe Koni 60 vjeçe.
Në gjendje të rëndë në spital ndodhej bashkëshorti i saj, Muharrem Koni, i cili fatkeqësisht ka ndërruar jetë pak më parë. Një fëmijë 10 vjeç është në gjendje të rëndë gjithashtu.
Shkak për aksidentin dyshohet të jetë bërë një parakalim i gabuar i mjetit tip Audi, shoferi i të cilit është shoqëruar në polici. Personi i shoqëruar është Endrit Lila.
