Një lagje në pjesën veriperëndimore të Anglisë duket se e ka një ndihmë të veçantë në luftën kundër koronavirusit. Tre fëmijë, vëllezër, po ofrojnë pemë e perime para shtëpisë së tyre për ata që nuk mund të shkojnë në dyqane.
Tre vëllezërit dhe prindërit e tyre i kanë ndihmuar më shumë se 50 fqinjë të izoluar që kanë nevojë për ushqim ose përkrahje tjetër. Ata jetojnë në rajonin e Mançesterit.
Nëna e djelmoshave, Angela Barry, u zotua për t’i ndihmuar fqinjët e moshuar pasi gjyshi i saj vdiq vitin e kaluar. Kështu, ajo i mobilizoi djemtë Joshuan, 9 vjeç, Benin, 7 vjeç dhe Isakun, 4 vjeç, për të kontribuar në këtë aspekt.
Familja Barry tashmë është bërë e famshme në komunitetin e tyre për tezgën me pemë e perime falas, shkruan “Daily Mail”.
