Deputeti Tritan Shehu reagoi pasi deputeti Lulzim Basha e shiti publikisht një takim të kërkuar prej tij me ambasadorët, si mbështetje për të.
“Absurditet kur kërkon të “mbrohesh” nga një takim me ambasadorët, që e ke kërkuar vetë.
Takimi i sotëm me Grupin Quinto është kërkuar nga vetë Z. Basha e jo nga ambasadorët e nderuar, që janë pjesë e tij.
Kjo ka një rëndësi të madhe interpretative, mbi të cilën kërkohet të spekulohet.
Sidoqoftë unë mendoj se secili nga ne për të qenë i rëndësishëm në PD duhet të llogarisë mbështetjen që ka në anëtarësinë e PD e jo të kërkohet të simuloje imazhe sureale për gjoja mbështetje nga ambasadorët.
Për neve në PD votojnë anëtarët e saj, ose të deleguarit e tyre.
Delegatët votuan të shtunën në Kuvend, anëtarët do të votojnë me datë 18 në referendum,” shkruan Shehu.
