Partia Lëvizja Legaliteti feston këtë dhjetor 100-vjetorin e rrëzimit të qeverisë së Fan Nolit dhe rikthimin e Ahmet Zogut në pushtet.
Princ Leka II tha se interesi kombëtar duhet të qëndrojë mbi përplasjet politike. “Mbretëria e Zogut ishte shembull i shtetësisë në veprim, duke fuqizuar rolin e Shqipërisë në arenën ndërkombëtare dhe duke ndërtuar themelet e shtetit që sot besojmë. Në këtë përvjetor duhet të kujtojmë që uniteti dhe forcimi I institucioneve janë themelore për të ardhmen tonë”, tha Princ Leka.
“Një moment i rëndësishëm në këtë histori është bashkëpunimi që erdhi më vonë me Fan Nolin, ky akt i bashkimit dëshmon se kur në lojë është fati i atdheut, uniteti dhe interesi kombëtar duhet që qëndrojnë mbi çdo ndarje apo përplasje politike”.
Ndërsa kreu i kësaj partie, Shpëtim Axhami, foli për nevojën e një triumfi të dytë të legalitetit me përfaqësim në parlament e rikthim në qeverisje. “Sot më tepër se kurdoherë Shqipëria dhe kombi shqiptar kanë nevojë për një triumf të dytë të legalitetit, triumf që duhet të nxjerrë vendin nga ky legalitet që e ka mbërthyer për dekada të tëra. Duhet të bëjmë të mundur zhbërjen e shtetit si duhet, një shtet të forte, sovran dhe të integruar në bashkëpunim me aleatët strategjikë. Përfaqësimi i vazhdueshëm në parlament dhe rikthimi në qeverisje, janë vizioni i yni për shekullin e dytë të legalistëve. Ne pro projektojmë modelin politik që gjeneratat e reja të jenë të vetëdijshëm për rikthimin e monariksë dhe të luftojnë për një shoqëri patriotike, atdhetare konservatore. Ky shekull do të jetë triumfi i dytë i legalitetit”, tha ai.
