Donald Trump të martën u duk se kërkoi të vazhdonte një konfrontim me një reportere të CBS News situatë e cila çoi që presidenti të akuzohej se ishte racist ndaj Amerikanëve Aziatikë.
Duke shkruar në twitter një përgjigje ndaj incidentit me Ëeijia Jiang të hënën në mbrëmje, Trump shkroi pa pasur prova: “Amerikanët aziatikë janë shumë të zemëruar nga ato që Kina i ka bërë vendit tonë dhe botës. Amerikanët kinezë janë më të zemëruarit nga të gjithë. Unë nuk i fajësoj ata! ”
Në një konferencë në Shtëpinë e Bardhë Rose Garden, Jiang e pyeti presidentin pse ai vazhdon të pretendojë – gabimisht, siç bëri përsëri të martën – që SH.B.A. po performon më mirë se vendet e tjera në drejtim të testimit për koronavirusin. “Pse ka rëndësi kjo?” e pyeti reporteren, e cila ka lindur në Kinë dhe ka shkuar në SHBA në moshën dy vjeç. “Pse është ky një konkurs global kur, çdo ditë, amerikanët po humbasin jetën e tyre?”
“kudo në botë, po humben jetë” tha Trump. “Dhe mbase kjo është një pyetje që duhet tia bëni Kinës. Mos më pyet mua, bëja këtë pyetje Kinës, apo jo? ”
Presidenti thirri një reporter tjetër, ndërsa Jiang ndërhyri: “Zotëri, pse po ma thoni këtë, konkretisht?” Presidenti u përgjigj: “Unë nuk po e them konkretisht askujt. Unë po ua them këtë kujtdo që do të shtronte një pyetje të keqe si kjo. ” Gazetarja e CBS tha: “Kjo nuk është një pyetje e keqe.”
Trump më pas përfundoi papritur konferencën. Komenti i tij u dënua si racist nga disa komentues.
Trump është përplasur me Jiang më parë, dhe është kritikuar gjerësisht për sulm ndaj reportereve femra, gra me ngjyrë mes tyre.
Të martën, CBS News tha në një deklaratë: “Ne mbështesim plotësisht Weijia Jiang, ekipin e Shtëpisë së Bardhë dhe çdo gazetar në CBS News. Puna e tyre është kritike për demokracinë dhe ndihmon më tej të kuptuarit për publikun amerikan çdo ditë. ”
