Edhe pse u arrit një marrëveshje të premten për dhënien fund të bllokadës qeveritare, presidenti Donald Trump nuk ka ndërmend të heqë dorë nga përmbushja e premtimit electoral, për ndërtimin e një muri me Meksikën.
Presidenti amerikan Donald Trump nuk është nga ata që dorëzohen lehtë e insiston se Shtetet e Bashkuara duhet të ndërtojnë një mur përgjatë kufirit me Meksikën, me gjithë dakordësimin politik për t’i dhënë fund bllokadës më të gjatë ndonjëherë të shërbimeve qeveritare amerikane.
Në disa postime në Twitter të shtunën, presidenti amerikan shkruan se marrëveshja për të rihapur përkohësisht qeverinë, nuk ishte aspak një dorëzim ndaj idesë së murit.
Marrëveshja bipartizane e arritur të premten, vlen vetëm për tre javët e ardhshme.
Trump shkruan se vetëm të çmendurit ose njerëzit me një agjendë politike, nuk e duan një mur apo një barrierë çeliku, për të mbrojtur vendin tonë nga krimi, droga dhe trafiku i qenieve njerëzore. “Do ndodhë, gjithmonë ndodh!”
