Presidenti amerikan, Trump akuzoi kompanitë e mëdha të teknologjisë si Facebook, Twitter dhe Google se fshehin korrupsionet e kandidatit demokrat për president Joe Biden
Presidenti i SHBA-ve, Donald Trump akuzoi kompanitë e mëdha të teknologjisë si Facebook, Twitter dhe Google se fshehin korrupsionet e kandidatit demokrat për president Joe Biden.
Në në video-mesazh të publikuar nga llogaria e tij në Twitter, Trump tha se ka dëgjuar se sa të fuqishme janë kompanitë e mëdha të teknologjisë si Facebook, Twitter dhe Google. Ai pretendoi se këto kompani janë gjithmonë përballë tij.
Duke vënë në dukje se armiqësia e këtyre kompanive kundër tij ka fituar një dimension të ri, Trump tha se “Këto kompani aktualisht po përpiqen të fshehin korrupsionet e Joe Biden. Na pëlqen apo jo ato nuk lejojnë shfaqjen e shumë lajmeve. Ka shumë prova të qarta. Këto kompani janë shumë të fuqishme”.
Trump ka mbrojtur idenë e tij se edhe kompanitë e teknologjisë ndoshta duhet të ndalohen në një pikë dhe shtoi se “Këto kompani, ju marrin të drejtat”.
Edhe në mesazhet e tjera përveç atyre me video, Trump u është kundërvënë kompanive të teknologjisë duke reaguar se Twitter nuk transferon në seksionin e “rendit të ditës” pretendimet rreth Joe Biden dhe djalit të tij.
“Në SHBA nuk ka liri të shtypit, ka fshehje të lajmeve ose lajme plotësisht të rreme. Në dy javët e fundit ne kemi parë se si shtypi ynë ka qenë i zhytur në korrupsion, madje edhe më keq”, ka theksuar Trump.
