Republika Çeke do të diskutojë të ardhmen e Radios Evropa e Lirë në një takim të ministrave të Bashkimit Evropian të hënën.
Këtë e bëri të ditur ministri i Jashtëm çek Jan Lipavsky pas ndërprerjes së financimit të SHBA-së për shërbimin e lajmeve.
“Ne duhet të fillojmë me gatishmërinë politike për të bërë diçka, kështu që unë do ta kërkoj atë”, tha Lipavsky përpara një takimi të ministrave të jashtëm të BE në Bruksel.
Raportohet se Agjencia Amerikane për Media Globale (USAGM) gjatë fundjavës ndërpreu grantet për Radion Evropa e Lirë, shkruan Reuters, përcjell Telegrafi.
Presidenti i SHBA-së, Donald Trump nënshkroi një urdhër ekzekutiv që ndërpret fondet për Zërin e Amerikës dhe Radion Evropa e Lirë, si dhe gjashtë agjenci tjera federale.
Radio Evropa e Lirë me qendër në Pragë jep lajme në 23 vende ku shtypi i lirë shihet gjerësisht si i rrezikuar.
Drejtori i Përgjithshëm i saj, Stephen Capus, tha se ndalimi i saj do të ishte një “dhuratë për armiqtë e Amerikës”.
