Presidenti Donald Trump ka thënë se Shtetet e Bashkuara kanë arritur një marrëveshje “të madhe” tregtare me Japoninë, njëri prej partnerëve më të mëdhenj tregtar të ekonomisë amerikane, raporton BBC.
Japonia është pajtuar që të investojë 550 miliardë dollarë në Shtetet e Bashkuara, derisa mallrat japoneze që do të shiten në Shtetet e Bashkuara do të taksohen me 15 % me të arritur në vend – më ulët se tarifa prej 15 % me të cilën ishte kërcënuar Trump.
Trump ka shkruar në mediat sociale se Japonia do të hapë ekonominë e saj për mallrat amerikane, përfshirë makinat, kamionët, orizin dhe produkte të caktuara bujqësore.
Kryeministri japonez, Shigeru Ishiba, e ka mirëpritur njoftimin, duke theksuar se “ishte tarifa më e ulët që deri sot e kanë arritur vendet me suficit tregtar me Shtetet e Bashkuara”.
“Porsa e nënshkrova marrëveshjen më të madhe tregtare në histori, mendoj se mbase është marrëveshja më e madhe në histori me Japoninë”, ka deklaruar Trump në një aktivitet të Shtëpisë së Bardhë në mbrëmjen e së martës, sipas kohës lokale amerikane.
Trump ka thënë se marrëveshja është e dobishme për të dy palët.
Ishhiba ka thënë se ujdia nënkupton se tarifat amerikane për makinat dhe pjesët japoneze do të shkurtohet nga 25 në 15 %.
Megjithatë, tarifa është mbi 10 % që e kishte caktuar Trump ndaj Japonisë dhe vendeve të tjera kur kishte pezulluar të ashtuquajturat tarifat reciproke ndërmjet prillit dhe korrikut.
Makinat britanike ndërkaq tarifohen me 10 % kur të mbërrijnë në brigjet amerikane, por kjo është e kufizuar për kuotën prej 100 mijë makinash.
