Presidenti i SHBA-së, Donald Trump, tha të dielën se shpresonte që bisedimet për një armëpushim midis Izraelit dhe Hamasit do të “rregullohen” këtë javë.
SHBA-të mbështesin një armëpushim 60-ditor me një lirim gradual të pengjeve, tërheqje të trupave izraelite nga pjesë të Gazës dhe bisedime për t’i dhënë fund konfliktit, përcjell Telegrafi.
Dhe Trump u tha gazetarëve: “Po flasim dhe shpresojmë se do ta rregullojmë këtë gjatë javës së ardhshme”.
I dërguari i Trump për Lindjen e Mesme, Steve Witkoff, tha të dielën se ishte “shpresëplotë” për negociatat e armëpushimit në Gaza.
Më 7 tetor 2023, Hamasi sulmoi Izraelin jugor, duke vrarë rreth 1,200 njerëz dhe duke marrë 251 pengje, sipas shifrave izraelite.
Hakmarrja e Izraelit ka vrarë më shumë se 57,000 palestinezë, thotë ministria e shëndetësisë e Gazës, dhe ka shndërruar pjesën më të madhe të Gazës në rrënoja.
Të dyja palët kanë pasur dy armëpushime – një në nëntor 2023 dhe një tjetër në janar 2025 – që nga fillimi i luftimeve.
